Ministria e Punëve të Jashtme dhe Diasporës e Kosovës përmes një njoftimi zyrtar ka bërë thirrje ndaj qytetarëve të saj që të evitojmë kalimet në territorin e shtetit serb.

Qeveria e Kosovës ka kërkuar nga qytetarët e saj që të shfrytëzojnë rrugët alternative.

 “MPJD, gjatë ditës ka pranuar raportime për arrestime të qytetarëve të Republikës së Kosovës nga autoritetet serbe përgjatë kalimit të tyre nëpër Serbi, dhe po merret nga afër me rastet nëpërmjet Zyrës Ndërlidhëse në Beograd”, thuhet në njoftimin e Ministrisë së Punëve të Jashtme dhe Diasporës.

Kjo thirrje vjen pas situatës së tensionuar mes dy vendeve, ku në katër komunat me shumicë serbë po protestohet kundër vendosjes në godinat komunale të krerëve të zgjedhur.