Gazetari meksikan Julio Valdivia është vrarë në mënyrën më makabre të mundshme, ku siç shkruajnë mediat e huaja atij i është prerë koka.

Valdivia gjatë karrierës së tij në gazetari ka shkruar për krimin në shtetin e dhunshëm të Veracruz-it, por mesa duket kjo është një ndër arsyet e forta që kushtuan edhe jetën.

44-vjeçari Valdivia, ishte i specializuar në gazetarinë ‘nota roja’ që përqendrohet në krimet e tmerrshme dhe dhunën, është gjetur në komunën e largët të Tezonapa, rreth 100 kilometra nga kryeqyteti i Veracruz-it.

Një anëtar i stafit në gazetën lokale të Valdivia, Diario El Mundo në Veracruz ka deklaruar se fillimisht se dyshohej se Valdivia mund të ishte përplasur nga një tren, por kjo u përjashtua nga zyra e prokurorit.

“Valdivia u gjet afër shinave të trenit, u pre koka dhe u torturua.”- ka thënë anëtari i stafit të gazetës, i cili nuk dëshironte të identifikohej.

“El Universal” dhe media të tjera lokale raportuan se Valdivia iu pre koka, ndërsa vdekja e Valvidias e ka çuar në 4 numrin e gazetarëve të vrarë këtë vit në Meksikë.

Në vitin 2019, rreth gjysma e të gjitha vrasjeve të gazetarëve në të gjithë botën ndodhën në Meksikë, sipas Komitetit për Mbrojtjen e Gazetarëve. Pas këtij rasti tragjik që ka shokuar Meksikën por jo vetëm, ka reaguar edhe qeveria e Veracruzit përmes një postimi në rrjetet sociale.

“Ne denojmë vrasjen e Julio Valdivia.”-ka deklaruar qeveria e Veracruz-it në një mesazh në Twitter./TheStar