Tre filma zviceranë janë vlerësuar me çmime speciale në festivalin e 72-të të filmit Berlinale në kryeqytetin gjerman, përcjell albinfo.ch.
Regjisori Michael Koch nga Lucerni fitoi të mërkurën në kategorinë e jurisë “International” për filmin e tij “Drii Winter”. Cyril Schäublin fitoi çmimin për regjinë më të mirë për filmin e tij “Unrueh” në kategorinë e jurisë “Takime”.
Bashkëprodhimi “A vendredi, Robinson”, i regjisores Mitra Farahani, fitoi një çmim special të jurisë.
Njëmbëdhjetë filma zviceranë ishin në garë për çmime në Berlinale të këtij viti, një festival 11-ditor që renditet së bashku me Kanën dhe Venedikun në mesin e kinemasë më të mirë të Evropës, përcjell tutje albinfo.ch.
The post Filmat zviceranë fitojnë çmime në festivalin e filmit në Berlinale appeared first on Albinfo.