Më 9 tetor do të bëhet hapja solemne e ekspozitës “Re(Ve)el”, në orën 16:00 deri në 21:00, shkruan albinfo.ch.

Ekspozita do të jetë e hapur deri më 31 tetor dhe do të jetë e pasur me shumë piktura të piktorit shqiptar, Ramë Beqiri, dhe fotografi nga artistja e njohur portugeze, Mél Dos Santos.

Mél Dos Santos ka sjellë ekspozita të ndryshme si në Meksikë, Portugali, Francë, tani edhe në Zvicër.

Punimet e dy artistëve kanë një ngjashmëri mes vete, aq sa edhe kanë sjellë prurjen e kësaj ekspozite të veçantë që do të mbahet në Gjenevë, e organizuar nga “Galerie d’Hermance”, një vend unik që do t’u japë shije edhe më shumë punimeve të artistëve, duke treguar klasitetin mes ëndrrës dhe realitetit.

Ndërkohë që Ramë Beqiri pikturon dhe njëkohësisht aktron në shumë teatro të botës, është pjesë e shumë projekteve filmike në kinematografinë zvicerane.

Për më shumë:

The post Ramë Beqiri dhe Mél Dos Santos sjellin ekspozitë të përbashkët në Gjenevë appeared first on Albinfo.