Rita Ora ka ndarë një lajm “ëndrrash” me fansat e saj. Këngëtarja shqiptare do të jetë pjesë e një prej produksioneve më të njohura të Disney, filmit “Beauty and the Beast” (E bukura dhe bisha), përcjell albinfo.ch.
“Nuk mund ta mbaj më sekret! Jam shumë e emocionuar që do t’i bashkohem kastit të serialit të “E bukura dhe bisha”. Si fëmijë, mbaj mend që e shikoja “E bukura dhe bisha” me familjen time pa pushim dhe menjëherë jam dashuruar me muzikën dhe personazhet. Asnjëherë në ëndrrat e mia më të çmendura nuk mund ta imagjinoja t’i bashkohesha kësaj bote përrallore”, shkruan Ora, duke ndarë më fansat edhe disa foto nga fëmijëria ku duket e veshur si një nga princeshat e Disney.
The post Rita Ora bëhet pjesë e Disney appeared first on Albinfo.