As koronavirusi nuk e ndau çiftin Giovannina dhe Michelarcangelo, të martuar prej 54-vjetësh.

Virusi i detyroi të dy të përfundojnë në spital dhe në spital festuan 54-vjetorin e tyre të martesës, ku nuk i mungoi as torta, e siguruar nga fëmijët e tyre.

Ata janë të shtruar në një spital COVID në Pistoia të Italisë, ku kanë qëndruar në të njëjtën dhomë prej një muaji.

“Ishte një moment me emocione të mëdha dhe për ne. Jemi të lumtur që u bëmë pjesë në këtë moment të lumtur për çiftin edhe pse në kushte jo të përshtatshme për ata”, thanë punonjësit shëndetësor në këtë spital, të cilët mbështetën idenë e fëmijëve të çiftit për këtë “festë”.