Debati mbi certifikatën e vaksinimit daton më shumë se 120 vjet më parë. Herën e parë që ato kërkoheshin, zyrtarët shëndetësor po luftonin me një pandemi të murtajës.
Në vitet 1890, qeveria e Indisë ndërsa ishte nën sundimin britanik miratoi një sërë masash në një përpjekje për të ndaluar përhapjen e murtajës, e cila përfshinte faktin se udhëtarët duhej të provonin se ishin vaksinuar kundër sëmundjes bakteriale.
Koncepti i sotëm i një “pasaporte” të një vaksine nuk është shumë i ndryshëm, është provë që ti e ke marrë dozën dhe të lejon hyrjen në vendet, vendet e huaja. Certifikata, ka për qëllim “të shpërblejë” njerëzit që janë vaksinuar me një kthim në jetën normale.
Megjithatë një lloj pasaporte vaksine ekziston akoma. Bëhet fjalë për “Kartonin e verdhë”, ose prova e vaksinimit për ethet e verdha që disa vende u kërkojnë udhëtarëve për të parandaluar përhapjen e sëmundjes.
Kjo është e vetmja sëmundje e përmendur posaçërisht në Rregulloret Ndërkombëtare të Shëndetit të Organizatës Botërore të Shëndetësisë (OBSH), megjithëse shumë vende kanë kërkesat e tyre specifike për vaksinimet.