Mathew Williams i ofroi ndjekësve një koleksion krejt ndryshe për burrat dhe gratë, në vjeshtën dhe dimrin e këtij viti.

“Givenchy”prezantoi koleksionin e ri të titulluar “Kaos i Organizuar”, me drejtorin artistik të shtëpisë franceze të modës, që ofron për sezonin e ardhshëm, veshje larg perfeksionit të së bukurës, por shumë tekno dhe origjinal.

Lëkurë, dantellë, xixa e gurë, stile të guximshme për përditshmërinë e të të çmendura për mbrëmjet, pellushë të mëdhenj apo palltot e gjata, janë domosdoshmëria për të qenë në modë.

35-vjeçari William i qëndroi besnik markës franceze, por duke i dhënë brand-it këtë vit, edhe pak shije amerikane, në një ndërthurje në materiale dhe vetë kulturës europiane, duke mos ikur shumë larg modës së luksit.

Ngjyrat që dominuan sfilatën, të prezantuar virtualisht ishin e zeza, e bardha dhe ngjyra gri, në shumë pak raste të miksuara me ngjyrat e tjera të tokës.