Gjatë një sezoni tjetër të vështirë shkollor, ëndërrojmë momentin kur do të jemi familjarisht në plazh. Me siguri në mendje kemi një skenar perfekt teksa marrim rreze në shazlong, fëmijët buzë rëre duke luajtur, dhe jo momente me tensione dhe zëra që shqetësojnë të gjithë zonën. Mirëpo, kur më në fund vjen sezoni i plazhit, shpesh e gjejmë veten duke jetuar skenarin e dytë, jo aq idilik të verës.
Kështu që Marios Mazaris , një mësues i shkollës fillore që frymëzon me iniciativat e tij në klasë, na jep këshilla për një ditë pa stres në plazh. Ai paraqet disa nga reagimet më të zakonshme të fëmijëve dhe si mund t’i parandalojmë, ose t’i trajtojmë me qetësi.
“Unë nuk dua të largohem tani!”: Ne diskutojmë orarin e ditës nga shtëpia. Me fjalë të tjera, i bëjmë të qartë se sa kohë mund të kalojmë në plazh, për lojë, çfarë do të pasojë gjatë ditës dhe sigurohemi që fëmija ta ketë kuptuar dhe arsyet pse programi është i tillë.
“Unë nuk dua të luaj me këto lodra!”: Ne e lëmë fëmijën të zgjedhë se cilat lodra do të marrë me vete në plazh, kështu që ai është përgjegjës për t’i marrë ato kur shkon dhe kthehet. Nëse harron një, duhet të jetë më i kujdesshëm herën tjetër.
“Unë nuk dua të hyj në det / të dal nga deti / të vendos krem kundër diellit!”: Asgjë nuk duhet të na acarojë. Ne i shpjegojmë fëmijës pasojat e gjithçkaje (pa panik, pa sjellë fatkeqësi) dhe vazhdojmë. Nëse vazhdon të sjellë tension, vendosim kufij dhe kthemi në shtëpi.