Kur temperaturat rriten, stili rrezikon të ulet. Dhe për ata që qëndrojnë në qytet, zgjedhja e veshjes në garderobë mund të bëhet e ndërlikuar. Por çfarë të bëni nëse pushimet janë ende larg, por vapa nuk pushon?
Tentativa për të veshur të parën gjë të lehtë që na del përpara nuk është gjithmonë zgjedhja më e mirë veçanërisht nëse duhet të shkojmë në zyrë për një kohë më të gjatë. Por ka një zgjidhje që është zgjedhja e veshjeve të freskëta, por “të zgjuara”.
Lërini mënjanë pantallonat e shkurtra dhe minifustanet, si dhe takat e holla shumë të larta apo këpucët e mbyllura, dhe përqendrohuni në fustane maxi të gjera, pantallona të shkurtra të gjera, funde midi, fustane dhe kostume prej linoje ose pëlhura natyrale. Po edhe për sandalet e ulëta dhe minimale, espadrilles dhe nallanet e dashura.
Dhe nëse takat duhet të jenë, zgjidhni takat e vogla ose lartësitë mesatare. Ne kemi përzgjedhur 5 stile sesi të visheni në qytet në vapë
Pantallonat e shkurtra Bermuda janë një kursim i vërtetë i pamjes për verën në qytet. Zgjidhni ato të lirshme me një prerje të përshtatur që mund t’i “shfrytëzoni” si në zyrë dhe në kohën tuaj të lirë, të kombinuara me një bluzë dhe xhaketë linoje. Ato lartësojnë edhe veshjet më elementare.
Rifresko pamjen tuaj me një fund! Gjithçka që duhet të bëni është ta kombinoni me një bluzë pambuku, një çantë me ngjyra dhe një palë nallane ultra trendy për të marrë një veshje ultra të freskët dhe super të lezetshme për qytetin.
Prej disa vitesh slip dress është rikthyer përgjithmonë në gardërobë. Versioni i tij veror më i mirë ëhstë ai prej linoje që mund të vishet 24 orë në ditë dhe që ndryshon në bazë të mënyrës se si është kombinuar. Ne e zgjodhëm atë së bashku me espadrilles, por zëvendësojini këto të fundit me një palë sandale të zeza për ta transformuar në një veshje perfekte mbrëmjeje.
Linoja është aleati i padiskutueshëm ku mund të mbështeteni kur është vapë. Gjithashtu në këtë rast sugjerimi është të zgjidhni artikuj me linja të gjera dhe komode, si një palë pantallona dhe një këmishë me mëngë të shkurtra në formë oversize. Zbukurojeni me diçka të rafinuar, si për shembull një çantë clutch prej lëkure të endur dhe një palë slingback në tonalitete metalike.