Një çift amerikan nga Teksasi ka që në vitin 2004 që jeton me një buall që peshon 1,1 tonë.
63-vjeçari R.C. Bridges dhe 47-vjeçarja Sherron thonë se, pavarësisht përmasave të tij shumë të mëdha, bualli kurrë nuk ka shkatërruar asnjë mobilje të shtëpisë.
“E quajmë Egërsira, por është shumë i shoqërueshëm. Për Krishtlindje do t’i japim një kosh të madh plehrash sepse i ka qejf kur i godet me brirë”, thotë 63-vjeçari.
Çifti tregon se ka raste që bualli ha në tavolinë bashkë me ta, ndërkohë që hyn e del nëpër dhoma sa herë që do.
Por, pronarët e tij thonë se Egërsira është i rrezikshëm: “Vetëm pasi kaluan 10 vite, Egërsira e lejoi gruan time që ta krihte. Të panjohurit nuk duhet t’i afrohen. Edhe mua më ka sulmuar vitin e kaluar. E trembi diçka, më goditi dhe më tërhoqi zvarrë disa metra, gruaja mendoi se vdiqa. Gjithsesi, ne nuk e imagjinojmë dot jetën pa të. E duam shumë”.