Është fakt: flokët e gjatë janë mbresëlënës dhe na lejojnë të bëjmë modele flokësh të ndryshme. Megjithatë, nuk ka asgjë më irrituese sesa të ndjesh se flokët bien në shpinë dhe shpatulla kur temperaturat janë aq të larta.

Na bëjnë vapë, pasi në thelb funksionojnë si “batanije”, duke na bërë të djersitemi, gjë që bën që flokët të mos duken siç do të donim. Është një rreth vicioz që kemi kaluar të gjithë. Zgjidhja e vetme për ditët e nxehta të verës është kapja.

Një zgjedhje perfekte është topuzi I balerinës që bëhet lart në kokë. Bëhet shumë lehtë në flokë të gjatë, i largon nga trupi dhe duket elegante dhe plot stil në çdo moment të ditës.