Babai i vajzës 7-vjeçares që humbi jetën tragjikisht dje në një aksident në Nikea të Greqisë, fal shoferin e kamionit që përplasi për vdekje të bijën.
“Unë e fal shoferin; nuk e di nëse edhe ai ka fëmijë. Ajo ishte një engjëll, vajza ime e vogël ishte aq e bukur sa Zoti e donte pranë tij”, tha babai i 7-vjeçares.
Ndërsa mezi mbushej me frymë për shkak të dhimbjes së madhe, ai kërkoi ndjesë për faktin se nuk mund t’i dhuronte organet e fëmijës për arsye mjekësore.
“Iu kërkoj shumë falje prindërve, pasi nuk mund t’i ndihmoja fëmijët e tyre. Mjekët më thanë se vetëm kur një person intubohet mund të dhurojë organe. Unë doja të ndihmoja njerëzit. Vajza ime u shndërrua në një engjëll. Unë kurrë nuk mund ta imagjinoja se do të isha në një pozitë të tillë.”
Me urdhër të prokurorit, shoferi i kamionit u la i lirë, ndërsa hetimi paraprak për rrethanat e sakta të aksidentit vazhdon.