Greqia ka vendosur më në fund të hapë kufijtë me Shqipërinë.
Lajmi konfimohet nga burime të siguruara pranë Drejtorisë Vendore të Kufirit dhe Migracionit.
Sipas këtij burimi, pritet që në të gjithë pikat kufitare të vendit të shpërndahet urdhri që prej dates 19 qershor në greqi do të lejohet të kalojnë të gjitha kategoritë e udhëtarëve për qëllime familjare dhe turistike.
Udhëtarët do të duhet të kenë me vete formën PLF si dhe do të njihet testi i shpejtë. Burimi tha më tej se nuk do të jetë i nevojshëm të kryhet testi PCR.
Në pikat kufitare do të kryhen prej autoriteteve teste të rastësishëm.
Deri në datën 28 mbeten në fuqi masat që lejojnë kalimin e 400 shtetasve nga Kapshtica dhe pas kësaj date, pritet të hyjnë në fuqi rregullat e reja.