Një tjetër sasi e konsiderueshme lënde narkotike që ishte nisur nga Shqipëria u kap në Mal të Zi.
220 kg kanabis e ndarë në 224 pako u bllokua në një kamion në Podgoricë.
Rezulton se automjeti ishte regjistruar për transport të fruta perimeve.
Kamioni, raporton Vizion Plus, i përkiste një kompanie me seli në Podgoricë. As mjeti dhe as shoferi nuk janë shqiptarë, por dyshohet se lënda narkotike është ngarkuar në Shqipëri.
Shoferi i kamionit është larguar me vrap në momentin që policia i komunikoi se do të kontrollohej mjeti.
Sasia e kanabisit të sekuestruar është raportuar dhe tek pala shqiptare dhe policia nisi hetimet per këtë linjë të trafikut ndërkombëtar.
Gjithashtu po hetohet edhe itinerari i automjetit.
Kjo është ngarkesa e dytë, brenda pak muajsh që kapet në Malin e Zi. Edhe para disa kohësh, një tjetër kamion i linjës së fruta-perimeve u kap me sasi të mëdha kanabisi.