Edhe sot, që prej orëve të para të mëngjesit, protestuesit serbë janë mbledhur para ndërtesës së Komunës së Zveçanit. Ata përsëritën kërkesat për tërheqjen e forcave speciale, si dhe largimin e kryetareve të rinj. Tubuesit shpalosën gjithashtu një flamur të madh të Serbisë.
Forcat paqeruajtëse të KFOR-it vendosën tela me gjemba rreth komunës, ndërsa po mbështeten edhe nga trupat e policisë së Kosovës.
Mbrëmjen e djeshme, sekretari i përgjithshëm, Stoltenberg, njoftoi se NATO do të rrisë numrin e trupave në Kosovë me 700 forca. Sipas tij, dhuna është duke e kthyer mbrapa Kosovën dhe gjithë rajonin.
JENS STOLTENBERG
AdvertisementSEKRETAR I PERGJITHSHEM I NATO
“Prishtina dhe Beogradi duhet të marrin hapa konkretë për ulje të tensioneve, të përmbahen nga sjelljet e papërgjegjshme dhe të angazhohen në dialog të ndërmjetësuar nga BE-ja, si rrugë e vetme për paqe afatgjatë”
Edhe sekretari amerikan i shtetit, Antony Blinken, përsëriti thirrjen për ulje të tensioneve.
ANTONY BLINKEN
AdvertisementSEKRETAR AMERIKAN I SHTETIT
“Vendimi i qeverisë së Kosovës për të hyrë me forcë në ndërtesat e komunave, i acaroi thellë dhe pa nevojë tensionet. Kryeministri Kurti dhe qeveria e tij të marrin masa që kryetarët e zgjedhur të komunave, t’i kryejnë detyrat e tyre në mjedise alternative, jo në ndërtesat e komunave dhe të tërheqin forcat policore përreth tyre. Presidenti Vuçiç dhe qeveria e Serbisë duhet të ulin nivelin e gadishmërisë së forcave ushtarake serbe dhe t’i bëjnë thirrje banorëve serbë të Kosovës të mos kundërshtojnë KFOR-in dhe të mos kryejnë veprime të dhunshme.”
Ndërkohë, ministri serb i mbrojtjes tha se situata e sigurisë në veri të Kosovës mbetet shumë e rrezikshme dhe se Forcat e Armatosura do të jenë në gjendje të lartë të gatishmërisë luftarake.
