Një oficer policie është sulmuar me hark para ambasadës izraelite në Beograd. Shigjeta e goditi policin në qafë, por ai arriti të mbrohet duke qëlluar sulmuesin, i cili mbeti i vrarw nw vendngjarje.
Siç ka bërë të ditur ministri i Brendshëm, Ivica Daçiq, identiteti i sulmuesit mbetet i panjohur dhe po shqyrtohen të gjitha mundësitë për motivet e sulmit .
“Sot rreth orës 11, një person i paidentifikuar ka gjuajtur me shigjetë një punonjës policie që ruante ambasadën izraelite dhe e goditi në qafë. Polici M.J. (1990) ka përdorur për vetëmbrojtje armën e shërbimit dhe ka qëlluar sulmuesin, i cili si pasojë e plagëve të marra ka ndërruar jetë”, tha Ivica Daçiq.
Oficeri u dërgua në spital ku do t’i nënshtrohet një operacioni për t’i hequr shigjetën nga qafa.