KFOR ka konfirmuar se të paktën 25 ushtarë në radhët e tyre janë lënduar nga përplasjet me protestuesit serb në very të Kosovës. Në një njoftim zyrtarë, KFOR thekson se sulmi ndaj ushtarëve ishte i paprovokuar, ndërsa të lënduar kanë mbetur ushtarë italianë dhe hungarezë.
“Rreth 25 të plagosur nga kontingjenti shumëkombësh gjatë përmbajtjes së demonstruesve protestues që ndodhën në komunën e Zveçanit. Sot pasdite njësitet e KFOR-it janë vendosur në 4 komunat e Veriut të Kosovës me qëllim të përmbajtjes së demonstratave të dhunshme të ndodhura pasi kryetarët e sapozgjedhur ditëve të fundit tentuan të marrin detyrën.
Gjatë kundërshtimit të fringjive më aktive të turmës, disa ushtarë të kontingjentit italian dhe hungarez të KFOR-it ishin subjekt i sulmeve të paprovokuara dhe pësuan plagë traume me fraktura dhe djegie për shkak të shpërthimit të aparateve djegës”, thuhet në njoftim.
Advertisementgoogle_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";
Komandanti i Misionit të KFOR-it, Gjeneral i Divizionit Angelo Michele Ristuccia, po ndjek situatën nga afër dhe ka deklaruar se sulmet ndaj ushtarëve janë të papranueshme.
Qytetarët serbë kanë vijuar protestat e tyre kundër krerëve të zgjedhur në komunat me shumicë serbe në veri të Kosovës, për të cilët nuk pranojnë që të ushtrojnë detyrën e tyre në godinat komunale.